Shugaban Nijeriya Bola Ahmad Tinubu ya ware kaso mai tsoka a daftarin kasafin kudin shekarar badi, 2024.
A Larabar makon nan dai ne shugaban kasar ya gabatar da kasafin kudin Naira Tiriliyan 27.5 a gaban Majalisar dokokin kasar.
Bangaren tsaro dai na da Naira Tiriliyan 3.25, kusan kaso 12% na daukacin kasafin kudin.
Daga tsaro, sai bangaren ilmi da aka ware wa Naira Tiriliyan 2.2, kusan kaso 9%. Sai kuma bangaren kiwon lafiya mai Naira Tiriliyan 1.4.
