Hukumar tsaron farin kaya ta SSS ta gayyaci wasu ‘yan uwan dakataccen shugaban hukumar yaki da masu yi wa tattalin arzikin kasa zagon kasa ta EFCC, Abdulrasheed Bawa, domin amsa tambayoyi.
Jaridar DAILY NIGERIAN bada rahotan cewa hukumar ta SSS ta gayyaci ’yan’uwan Bawan su biyu, Yazid Bawa (wanda shi ma yake aiki a hukumar ta EFCC) sai kuma Bashir Bawa (wanda ke aiki a NCC).
Wasu majiyoyi sun shaidawa DAILY NIGERIAN cewa jami’an tsaron sun kwace motar alfarma da harsashi baya ratsa ta da kuma sabuwar mota kirar Mercedes-Benz mallakin ‘yan uwan na Bawa.
Tun a ranar 14 ga watan Yunin shekarar nan ne dai Shugaban kasa Bola Tinubu ya dakatar da Bawa daga aiki.
