Shinkafar hausa ta yi sauki a wasu kasuwannin Nijeriya

 


Daga A'isha Usman Gebi:

Farashin shinkafa ya fi sauki a kasuwar Mai'adua da ke jihar Katsina  arewacin Nijeriya da ake sayar da buhun N145,000, sai dai kuma farashin bai sauya ba dana makon jiya.

Ita kuwa kasuwar Mile  12 International Legas karin N10,000 aka samu a sati nan, a satin daya wuce N150,000 aka sayar da buhun shinkafar hausa  a kasuwar, amma a makon nan N160,000 ne kudinta.

Sai kasuwar Giwa  jihar  Kaduna  ake sai da buhun N160,000  a wannan mako.

A kasuwar  Saminaka ta  jihar Kaduna N50,000-52,000 ake sai da buhun shanshara na shinkafar a wannan mako, a makon daya gabata kuma aka sai da N55,000.

A bangaren Shinkafar  Bature  kuwa, farashinta bai canza zani ba daga na makon jiya wanda aka sai da a N95000 a kasuwar Mile 12 International ta jihar Legas a kudancin Nijeriya. 

A kasuwar Giwa jihar Kaduna N98,000 ake sayar da buhunta a makon nan, a makon jiya aka sai da a N95000, karin dubu uku kenan aka samu. 

N85000 aka sai da buhun shinkafar waje a kasuwar  Mai'adua jihar  Katsina  a satin  daya shuɗe, to a satin nan ma haka aka sai da.

Da DCL Hausa ta leka a kasuwanni, mun gano farashin masara yafi sauki a kasuwar Saminaka ta  jihar Kaduna, wanda ake sayar buhunta N48,000 - 52,000 a wannan mako, a makon  jiya kuwa N50,000-55,000 aka sai da ta.

A kasuwar  Giwa  jihar  kuma N58,000  ne kudinta a satin nan.

An samu ragin N1000  guda  akan farashin makon jiya, wanda aka sai da N65000 a kasuwar Mai'adua  jihar  Katsina, a makon nan ake saidawa N64000 a kasuwar. 

Masarar na ci gaba da sauka a kasuwar  Mile 12 International Legas  da ake sai da buhun a N80,000 cif a satin nan, a satin daya wuce  aka sai da N85000.

Farashin wake kuwa yafi rahusa a kasuwar Giwa jihar Kaduna, da ake sai da buhun N107,000

Sai kuma kasuwar Saminaka  jihar Kaduna da ake sai da buhunsa N110,000 a satin nan, haka farashin ya ke a makon da ya gabata.

N118,000  aka sai da buhun kananan wake a kasuwar Mai'adua  jihar  Katsina a makon daya gabata, sai makon nan ake saidawa N115,000. 

Karin N5000 aka samu a wannan mako kan farashin wake a kasuwar Mile 12 International Legas, a makon jiya N150,000 aka sai da buhunsa, a makon nan kuwa ake saidawa N155,000. 

Kwalin taliyar Spaghetti yafi tsada a kasuwar  Mile 12 International Legas, wanda ake saidawa N21,000 a makon da muke bankwana shi, bayanda a makon jiya aka sai da a N20,500.

Sai kasuwar Giwa jihar Kaduna ake sayar da kwalin taliyar Spaghetti a N18,000 a wannan mako.

Farashin dai na nan kamar na makon da ya gabata a kasuwar  Mai'adua  jihar  Katsina, wanda aka sayar da kwalinta N17500.

Hukumar  kididdaga ta Nijieriya NBS ta ce hauhawar farashin kayan masarufi da aka samu a watan Disamban 2024 da ya kai kaso 34.80, ya faru ne saboda yawan bukatar kayan a lokacin bukukuwan sabuwar shekarar 2025.




Post a Comment

Previous Post Next Post

Kasance da DCL Hausa a kan manhajar WhatsApp