Niklas Suele zai shafe watanni yana jinya - Mai horar da kungiyar Dortmund

Niklas Suele dan wasan baya na kungiyar Dortmund 

Yayin da ta ke shirye-shiryen buga wasanta na gaba a gasar zakarun Turai kungiyar kwallon kafa ta Borussia Dortmund za ta kasance ba tare da dan wasanta na baya Niklas Suele ba, har tsawon watanni, sakamakon rauni da ya samu a kafarsa yayin gasar league a wasan da suka tashi 1 da 1 da Borussia Moenchengladbach.

Mai horar da kungiyar ta Dortmund Nuri Sahin, ne ya bayyana haka a ranar Talata gabanin wasansu da Barcelona a gasar cin kofin zakarun Turai. 

A ranar 30 ga watan Nuwamba ne, Suele ya dawo daga jinyar raunin da ya samu a wasan da suka buga da Bayern Munich, a gasar Bundesliga.