Harajin da ake karba a Nijeriya ya yi kadan-Bill Gates
Gates ya bayyana haka ne a wani taron tattaunawa tsakanin matasan kasashen Afrika kan abinci mai gina jiki a Abuja, ranar Talata.
Daily Trust ta ruwaito cewa a halin yanzu hamshakin dan kasuwan nan na Amurka yana Nijeriya domin gudanar da wasu ayyuka.
Da yake jawabi a wurin taron, Gates ya ce karancin kudaden haraji na haifar da kalubale wajen samar da isassun kudade masu muhimmanci a fannonin kiwon lafiya da ilimi.
Ya ce domin ‘yan kasa su samu kwarin guiwa kan ayyukan gwamnati na samar da ingantacciyar kiwon lafiya, dole ne a daura damarar tabbatar da cewa an sarrafa kudaden da ake kashewa a shirye-shiryen kiwon lafiya.
Bill Gates ya ce, “Bayan lokaci, akwai tsare-tsare na Nijeriya na samar da kudade fiye da yadda take yi a yau. Harajin da Nijeriya take karba ya yi kadan.
Yace Idan ‘yan kasa suna son ilimi da kiwon lafiya, yayin da suke samun kwarin gwiwa cewa wadannan shirye-shiryen za a iya gudanar da su sosai, kuma gidauniyar sa ta hada da dimbin misalan da ke nuna hanya wajen tabbatar da an kashe kudaden