Shugaba Tinubu ya jajanta wa wadanda ambaliyar ruwa ta shafa

Shugaban kasa Bola Tinubu ya bayyana matukar damuwarsa kan barnar da ambaliyar ruwa ta yi wa al’umma a fadin kasar.

Hakan dai na a cikin wata sanarwa da mai magana da yawunsa, Ajuri Ngelale ya fitar a ranar Laraba, yana mai cewa shugaban ya damu matuka da halin da wasu yan kasar suka tsinci kansu na ambaliyar ruwa, rasa rayuka, gonaki da matsugunansu.